Est su segundu annu de sighiu chi s'iscola de Serramanna bolit trabballai cun sa lìngua
sarda. S’annu passau est serbiu po medas cosas, po is pipius, chi ant pòtziu
assumancu intendi su sardu in logu de iscola. Eus trabballau cun d-una cuinta
elementari, e duncas is pipius funt immui in s'iscola mèdia.
Un'annu est serbiu po dhis fai cumprendi cantu est de importu mannu sa
lìngua sarda. E issus ant arriciu bèni meda sa cosa. Ant trabballau cun gana,
sa cosa dhis est pràxia meda. Ant cumpréndiu e imparau medas cosas noas no isceti
de geografia o de istória, ma de lìngua sarda, de sa Sardigna, de sa vida
insoru.
Cust’annu eus decìdiu de cumentzai cun d-una primu elementari.
Siguramenti su trabballu at a èssi diversu meda, is pipius funt prus piticus
meda ma própriu po custu nosus eus pigau custa decisioni. Cantu prima si
cumintzat, mellus est po issus.
Una lìngua no s’imparat in s'iscola, ma in sa vida. Nosus boleus trasmiti
is sonus, is fuedhus, sa manera de iscrí de su sardu. Eus mantènniu su
matessi grupu de trabballu de s’annu passau, sa maista Linda F. e su maistu esternu,Giuseppi O., po donai continuidadi a su progetu.
In Serramanna medas pipius cumprendint pagu su sardu, prus pagus dhu
chistionant. Isperaus chi cun cust’annu cancunu pipiedhu chistionit unu pagu in
prus su sardu e prus pagu s’italianu.
Nessun commento:
Posta un commento