Sa lei italiana 482 de su 1999

Sa lei italiana 482 de su 1999 (artìculu 4, paràgrafu 5) riconnoscit a totus is babbus e is mammas sardas su diritu de isceberai s’aggradessint chi is fillus impàrint su sardu in iscola .

Abetendu chi su pòpulu sardu apat sa suberania po ponni a òbbrigu su sardu e is atras limbas de Sardigna in totus is iscolas e apat su poderi de organizai is iscolas de Sardigna cunsiderendu is bisóngius e is interessus de is sardus, depeus impreai custa lei po fai impàrai su sardu in iscola a is fillus nostus.

In prus de unu cantu de annus sunt istétias pagus is iscolas chi ant rispetau custu diritu de is mammas e de is babbus sardus, ca nemus at fatu rispetare sa lei e ca ne is iscolas e ne is mèdia ant fatu isciri a is famìllias chi ant custu diritu.

Ocannu, pro sa prima borta, s'Ufìtziu Regionale de is Iscolas at rispetau sa lei e at mandau una lìtera a totus is iscolas de Sardigna nàrendi chi depent pònniri s'optzioni pro isceberai s'imparu de su sardu in is mòdulus po iscrì is pipius po s'annu 2013/2014. Adduncas, de ocannu, s famllias podint isceberai in su mòdulu de s'iscritzione de imparare su sardu a is fillus po s'annu ch'intrat (nc’est tempus fintzas a su 28 de Friàrgiu).

Su chi si timit immui est chi ne is iscolas e ne is mèdia ddu fàtzant isciri a is famillias chi ant custu diritu.
 Su bilinguismu donat avantàgius mannus po imparare is atras limbas e totus is matèrias e fintzas pro s'isvilùpu cognitivu de is pipius.

Est de importu meda chi totus is mammas e a is babbus sardos pretendant s'imparonzu de su sardu in iscola po is fillus! 
Est a gratis e est unu diritu riconnotu da sa lei.

Est de importu mannu donai a is própius fillus sa possibilidadi de imparai su sardu in iscola, po ddu chistionai e fintzas po ddu ligi e ddu iscrìri: su chi est istétiu privau a sa generatziòni nosta.

E. Frongia ©

Documento-scegliamo-il-sardo-a-scuola-per-i-nostri-figli